*Gudarikings-ek, 2008ko abuztuan sortutako Komando Anonimoak,
2013ko apirilean burututako asanblada bitartez eta aho batez, bere jarduera
aktibo eta aktibista bertan bera uztea erabaki du. Egun, irudi bat behin eta
berriro berproduzitzeko gaitasunak jatorrizko irudia gainditzen duen garai
hauetan, gure armak behin sortu ziren berezko lekura itzultzera behartuta ikusi
ditugu geure buruak. Erabaki hau erreza eta hausnarketa gabekoa izan da. Asanblada
argia eta ahobatezkoa izan da.
*Gudarikings
artearen baitan feminismoa aldarrikatzeko beharretik jaio zen. Gure borrokagunea museoak
izan dira beti, galeriak eta arte eta kultura-guneak. Gure gorputzek ere,
borrokaguneak diren heinean, sufritu egin dute. Arerioa edonon aurkituko dugula
eta irabazteko hamaika borroka daudela jakin badakigu. Elkarrenganako
errekonozimendua ere ez da gure trintxerakidea izan.
Baina dena ez da borroka eta sufrimendua izan
bidaia honetan, elkartasun haundia topatu dugu, sareak osatu ditugu, asko ikasi
dugu, gure buruak elkar konpartitu nahi izan dutenei hegoak eskeini ahal izan
diegu eta prozesu horretan argi izpiek zeharkatu gaituzte ere. Gauzak
gertarazi ditugu, topaketa literario bat, arte erakusketa bat edota kultur
gune baten sarrera aldarrikapena bihurtu ditugu. Erabateko zintzotasunetik
egin dugu, gure buruak arriskuan jarriz beti.
Gure armak, gure arimak bezala, tintazkoak dira,
paperezkoak, artilezkoak, zeluloidezkoak. Pixelak dira edo manifestu batean
inprimatutako izkiak. Gure identitatea, gure buruak estaltzeko baino gure
mugimendua ikusgarri egiteko sortua izan zen kaputxa baten paradoxa, egun
ohiko objetua bihurtu da, folklorearen partea da ia jadanik.
|
*gudarikings white house-n 2009ko apirilean
|
*gudarikings 2010 abenduko
feministaldia
|
Beraz, orain 1000 irudik une batek baino gehiago balio dutenean, gure buruak entregatzea erabaki dugu. Errepikapenaren indarrak, erreprodukzioarenak, jatorrizkoa ia igarriezina bihurtu eta zentzuaz husten du. Hau dela eta, gure kaputxak eman eta historiaren baitan gera daitezen erabaki dugu.
Erakusketa txiki honetan gure ekintza
garrantzitsuenak ikusgai daude. Betirako jasota gera dadin.
Bilbon, 2013ko maiatzak 6
*k/a
|